ભાડભૂત બેરેજ પ્રોજેકટની સમય મર્યાદા પૂર્ણ થયાને 9 મહિના વિતી ગયા, હજી દોઢ વર્ષ જોવી પડશે રાહ

બેરેજ, ફ્લડ પ્રોટેક્શન, હાઇડ્રો મિકેનિકલ મળી હજી કુલ 63.47 ટકા, બેરેજનું ₹2416 કરોડનું કામ થયું

Updated : July 30, 2025 03:51 pm IST

ભાડભૂત બેરેજ પ્રોજેકટની સમય મર્યાદા પૂર્ણ થયાને 9 મહિના વિતી ગયા, હજી દોઢ વર્ષ જોવી પડશે રાહ

ભરૂચ, અંકલેશ્વર શહેર અને જિલ્લા માટે અતિ મહત્વની ભાડભુત બેરેજ યોજનાની ડેડલાઈન પૂર્ણ થયાને 9 મહિના વિતી ગયા છે જેની સામે કામગીરી 63.47 ટકા જ પૂર્ણ થઈ છે.

ભરૂચ જિલ્લાની પ્રજા બે વર્ષ અગાઉનું નર્મદા નદીનું ઘોડાપુર હજી ભુલ્યું નથી. અંકલેશ્વરને તો નર્મદાના ઐતિહાસિક 2023 ના ઘોડાપૂરે ચોમાસામાં તારાજ કરી દીધું હતું ત્યારે હજી સંભવત પુર સામે સંરક્ષણ મેળવવા 2 થી 3 વર્ષની રાહ જોવી પડે તેવી શકયતા રહેલી છે.

ભરૂચ અને અંકલેશ્વર શહેરના કાંઠાના વિસ્તારોને નર્મદા નદીમાં આવતા ઘોડાપુર અને ધોવાણથી રક્ષણ આપવા વડાપ્રધાનની મહ્ત્વકાંક્ષી રૂપિયા 8 હજાર કરોડની ભાડભુત બેરેજ યોજનાની કામગીરી 15 ઓક્ટોબર 2020 થી શરૂ કરાઇ હતી.