ગુજરાતમાં 15 મહાનગર પાલિકાની સાથે કુલ 393 નગરપાલિકાઓ, જિલ્લા પંચાયતો અને તાલુકા પંચાયતો માટે 26 એપ્રિલે મતદાન થશે. તેના માટે નામાંકનની શરૂઆત થઈ ચૂકી છે. ભાજપ તરફથી 8 કે 9 એપ્રિલે ઉમેદવારોની જાહેરાત થવાની શક્યતા છે, પરંતુ વડોદરામાં 'તાકતવર શ્રીવાસ્તવ' ભાઈઓના એકસાથે આવવાથી રાજકારણ ગરમાયું છે.

ગુજરાત છેલ્લા ત્રણ દાયકાથી ભાજપનો ગઢ છે. પ્રધાનમંત્રી નરેન્દ્ર મોદીના અદભુત ઉદય પછી ગુજરાત ભાજપનો એક અભેદ્ય કિલ્લો બની ગયો છે, પરંતુ ગુજરાતના વડોદરામાં 'શ્રીવાસ્તવ બંધુ' એકસાથે આવવાથી રાજકારણ ગરમાયું છે.

ઉત્તર પ્રદેશના હમીરપુરથી સંબંધ ધરાવતા શ્રીવાસ્તવ બંધુ (ચંદ્રકાંત શ્રીવાસ્તવ અને મધુભાઈ શ્રીવાસ્તવ )એ ગુજરાતની રાજનીતિમાં લાંબા સમય સુધી પોતાનો દબદબો જાળવી રાખ્યો છે. વડોદરા મહાનગર પાલિકાની ચૂંટણીમાં ભાજપથી પાંચ વખત ધારાસભ્ય રહી ચૂકેલા મધુ શ્રીવાસ્તવે કોંગ્રેસની સભ્યતા નથી લીધી, પરંતુ બંને દીકરીઓ કોંગ્રેસમાં સામેલ થવાથી તે પહેલી વખત નવી પરીક્ષામાંથી પસાર થઈ રહ્યા છે. તે કોંગ્રેસ માટે મત માંગી રહ્યા છે. તેનાથી પિતરાઈ અને મોટા ભાઈ ચંદ્રકાંત શ્રીવાસ્તવ પહેલેથી જ કોંગ્રેસમાં છે. આવી સ્થિતિમાં વડોદરા મહાનગર પાલિકાની ચૂંટણીમાં બંને ભાઈઓની પ્રતિષ્ઠા દાવ પર લાગી છે.

જાણો બંને ભાઈઓની કહાની

1. ચંદ્રકાંત શ્રીવાસ્તવ (76 વર્ષ): ચંદ્રકાંત શ્રીવાસ્તવ ઉર્ફે ભત્થુ ભાઈને કદાચ જ વડોદરામાં કોઈ એવું વ્યક્તિ હશે જે નહીં જાણતું હોય. એક સમયે બોલિવૂડ સુપરસ્ટાર અભિતાભ બચ્ચનના સુપરફેન રહેલા ચંદ્રકાંત શ્રીવાસ્તવ અત્યાર સુધી નવ વખત મ્યુનીસીપલ કાઉન્સિલર બની ચૂક્યા છે. તેમણે હવે 2026ની ચૂંટણીમાં 10મી વખત ઉમેદવારી નોંધાવી છે, જોકે તેમનો ધારાસભ્ય બનવાનો સ્વપ્ન પૂર્ણ નથી થઈ શક્યું. તે પોતાના ઝુઝારુ અંદાજ અને સ્થાનિક મુદ્દે સક્રિયતા માટે જાણીતા છે. તે વડોદરા મહાનગર પાલિકામાં વિપક્ષ નેતા પણ રહી ચૂક્યા છે. ભત્થુ ભાઈ વડોદરામાં રહેતા ઉત્તર ભારતીયોનો મોટો ચહેરો છે. આ વખતે તે પોતે મેદાનમાં છે તો તેમના પિતરાઈ નાના ભાઈ મધુ શ્રીવાસ્તવની બંને દીકરીઓ કોંગ્રેસમાં જોડાઈ છે.

2. મધુ શ્રીવાસ્તવ (74 વર્ષ): ગુજરાતમાં દબંગ ધારાસભ્ય તરીકે જાણીતા મધુ શ્રીવાસ્તવે પોતાની રાજનીતિની શરૂઆત વડોદરા મહાનગર પાલિકામાં કાઉન્સિલર તરીકે કરી હતી. તે પહેલાં બે વખત અપક્ષ કાઉન્સિલર તરીકે ચૂંટાયા હતા. જ્યારે તે કાઉન્સિલર હતા ત્યારે લોકોની સમસ્યાઓને લઈને તેમણે તત્કાલીન કમિશ્નરને લાફો મારી દીધો હતો. ત્યારબાદ આ મામલે કોર્ટે આદેશ કર્યો કે તે કમિશ્નરથી 10 ફીટ દૂર રહેશે. ત્યારબાદ તેઓ વાઘોડિયામાં અપક્ષ ધારાસભ્ય બન્યા. આ જ વર્ષે ખુજરાહો કાંડ થયો ત્યારે તેમણે શંકરસિંહ વાઘેલાને મુખ્યમંત્રી બનાવવામાં મદદ કરી. ત્યારબાદ તે ભાજપમાં જોડાયા. ભાજપમાંથી પાંચ વખત સતત જીત હાંસલ કરી. મધુ શ્રીવાસ્તવ આ દરમિયાન ઉત્તર ભારતીયોના ન માત્ર મોટો ચહેરો બનીને ઉભર્યા, પરંતુ વાઘોડિયાને તેમણે ભાજપનો ગઢ બનાવી દીધો. 2022માં જ્યારે ભાજપે ટિકિટ કાપી નાખી તો અપક્ષ લડ્યા અને પહેલી વાર હારનો સામનો કરવો પડ્યો, જોકે ભાજપ ઉમેદવારને પણ હારનો સામનો કરવો પડ્યો.


નવી પેઢી હવે ચૂંટણી મેદાનમાં ઉતરી
મધુ શ્રીવાસ્તવના ધારાસમ્ય રહેતા તેમના પુત્ર દીપક શ્રીવાસ્તવ વડોદરા મહાનગર પાલિકામાં કાઉન્સિલર રહી ચૂક્યા છે, પરંતુ 2થી વધારે બાળકના નિયમને કારણે તેમના ચૂંટણી લડવા પર 2021માં રોક લાગી હતી. આ વખતની ચૂંટણીમાં મધુ શ્રીવાસ્તવની દીકરીઓ દીપા અને નીલમ 14 અને 15 વોર્ડ થી લડી રહી છે, તો બીજી તરફ ચંદ્રકાંત શ્રીવાસ્તવ 16થી ફરી મેદાનમાં છે, મધુ શ્રીવાસ્તવ હવે ભાજપમાં નથી આવી સ્થિતિમાં તે દીકરીઓની જીત માટે કોંગ્રેસ સાથે ઉભા છે.

"શ્રીવાસ્તવ બંધુ" એકસાથે આવવાથી વડોદરામાં ચૂંટણી મુકાબલો રસપ્રદ બની ગયો છે. ચર્ચા છે કે શ્રીવાસ્તવ બંધુ ભારે પડશે અથવા તો ભાજપ ડેમેજ કન્ટ્રોલ કરી લેશે. તેનો નિર્ણય સ્થાનિક સ્વરાજ્યની ચૂંટણીઓના 28 એપ્રિલે જાહેર થનારા પરિણામોમાં થશે.