આજરોજ વડોદરા શહેરના રાવપુરા વિસ્તારના મુખ્ય માર્ગ પરથી લોહીમાં ખાદબદતો એક યુવકનો મૃતદેહ મળી આવતા ચકચાર મચી જવા પામી છે. મોડી રાત્રે લગભગ ૩:૪૮ વાગે રાવપુરા પોલીસને કોટી ચાર રસ્તા પાસે રાવપુરા મ એક યુવકનો લોહીથી લથપથ મૃતદેહ મળી આવ્યો હતો. ઘટનાની જાણ થતા પોલીસના ઉચ્ચ અધિકારીઓ સહિતનો પોલીસનો કાફલો સ્થળ પર ધસી આવ્યો હતો. કોઈએ ઇજાગ્રસ્ત હાલતમાં યુવકને જોતા પોલીસને જાણ કરી હતી.

હવે પોલીસે એડી દાખલ કરી તપાસનો ધમધમાટ શરૂ કર્યો છે. પોલીસની પ્રાથમિક તપાસમાં આ યુવકનું નામ યસ ઠાકુર હોવાનું જાણવા મળ્યું છે. તેની ઉમર આશરે પચીસ વર્ષ છે. મૃતક યસ ઠાકુર મૂળ મહારાષ્ટ્રના જલગાંવનો વતની અને હાલ તરસાલી વિસ્તારમાં રહે છે. લારી પર મજૂરી કરી જીવન ગુજરાન ચલાવે છે તેવામાં આ યુવક રાવપુરા કેમ આવ્યો હતો એ પણ એક તપાસનો વિષય છે.

પોલીસ તપાસમાં સ્થળ પરથી કોઈ પણ વાહન મળેલ નથી જેથી આ યુવક તરસાલી થી રાવપુરા કેવી રીતે કોની સાથે પહોંચ્યો તે દિશામાં પણ પોલીસ ઘનિષ્ઠ તપાસ કરી રહી છે. પોલીસ દ્વારા આસપાસના સીસીટીવી કેમેરા પણ ચેક કરાવી રહ્યા છે. હાલ પોલીસે યુવકનો મૃતદેહ પોસ્ટમોર્ટમ અર્થે સયાજી હોસ્પિટલ ખસેડી ઘનિષ્ઠ તપાસ શરૂ કરી છે.  ત્યારે હવે આ યુવક હીટ એન્ડ રન કેસ નો શિકારથયો છે કે કોઈકે તેનું મર્ડર કર્યું છે તે પોલીસ તપાસમાં જ સામે આવશે.