વડોદરા શહેરના અલકાપુરી વિસ્તારમાં આવેલી બિલ્ડીંગના છત પર ચાલી રહેલી દારૂની પાર્ટી પર અકોટા પોલીસે રેડ કરી હતી. પોલીસને જોઈને નબીરાઓનો દારૂનો નશો પણ ઉતરી ગયો હતો. પોલીસે સ્થળ પરથી 8 નબીરાઓને ઝડપી કાર્યવાહી હાથ ધરી ધરી. પોલીસે દારૂની બોટલ અને ચાખનાનો સામાન પણ કબ્જે કર્યો છે.

વડોદરા શહેરના અલકાપુરી વિસ્તારમાં અકોટા પોલીસની ટીમ પેટ્રોલીંગમાં ફરી હતી. તે દરમ્યાન કંટ્રોલ રૂમ ખાતે 11.51 વાગે વર્ધી મળી હતી કે અલકાપુરી વિશ્વાસ કોલોની ખાતે આવેલ ગોલ્ડ ક્રાફટ કોમ્પલેક્ષના ધાબા પર આઠ શખ્સો ભેગા થયા છે અને તમામ ભેગા મળી દારૂ પાર્ટી કરી રહ્યા છે.

જેના આધારે અકોટા પોલીસની ટીમે ગોલ્ડ ક્રાફટ બીલ્ડીંગના ધાબા પર રેડ કરી હતી. ત્યારે છત પર આઠ શખ્સો ગોળ કુંડાળુ વળી દારૂની મહેફિલ માણી રહ્યા હતા. પોલીસને જોઈને તેમનો નશો પણ ઉતરી ગયો હતો. જેથી પોલીસે સ્થળ પરથી 8 નબીરાની ધરપકડ કરી તેમની પાસેથી દારૂની બોટલ, ચાખનાનો સામાન તેમજ દારૂ ભરેલા પ્લાસ્ટીકના આઠ ગ્લાસ કબ્જે કર્યા છે.

પોલીસ સૂત્રો દ્વારા મળતી માહિતી અનુસાર, ગોલ્ડ ક્રાફ્ટ બિલ્ડીંગમાં એક બેન્ક લોનની કંપની આવેલી છે. જેમાં કામ કરતા કર્મચારીઓને દર મહિના કંપની તરફથી એક ચોક્કસ ટાર્ગેટ આપવામાં આવતું હોય છે. જે ટાર્ગેટ ગતરોજ પુરૂ થતા કર્મચારીઓ ટાર્ગેટ પુરૂ થવાની ખુશીમાં દારુ પાર્ટી રાખી હતી.

ઝડપાયેલા નબીરાના નામ સરનામા

(1) ભાવીક પ્રીતેશભાઈ ઉપાધ્યાય (રહે. ઈલોરા પાર્ક સોસાયટી દીવાળીપુરા વડોદરા વડોદરા શહેર)

(2) મનોજ વાસુદેવ સાધુ (રહે. પરશોતમનગર ફ્લેટ રાણીપ અમદાવાદ, અમદાવાદ શહેર)

(3) હરી વસંતભાઈ બારોટ ( રહે. હરીઓમનગર સોસાયટી ભાયલી રોડ વડોદરા શહેર, વડોદરા શહેર)

(4) યામીન સલીમભાઈ શેખ (રહે. અલસફા તાંદળજા વડોદરા શહેર, વડોદરા શહેર)

(5) અર્પીત રાજેશભાઈ ચીત્રે (રહે. શરદનગર સાંઈબાબા મંદીર પાસે તરસાલી વડોદરા )

(6) અભિલાપ ઓમનારાયણ દિવેદી ( રહે. અક્ષર રેસિડેન્સી વડસર વડોદરા શહેર )

(7) આસીશ વિજયભાઈ ભોસલે ( રહે. ઝંડા ચોક કિશનવાડી આજવા રોડ વડોદરા શહેર)

(8) ચિરાગ સુજાનર્સિંગ રાઠવા ( રહે.અક્ષરયુગ સોસાયટી ખંટબા ગામ વાઘોડીયા જી. વડોદરા )