સ્થાનિક સ્વરાજની ચૂંટણી ની જાહેરાતમાં હવે થોડો જ સમય બાકી છે ત્યારે દરેક રાજકીય પાર્ટીઓ દ્વારા તડામાર તૈયારી શરુ કરી દેવાઈ છે. તેવામાં રાજકીય પાર્ટીનું શીર્ષ નેતૃત્વ ના ગુજરાત પ્રવાસો પણ શરુ થયી ગયા છે. બે દિવસ અગાઉ લોકસભા ના વિપક્ષ નેતા રાહુલ ગાંધી વડોદરા પધાર્યા હતા અને હવે અરવિંદ કેજરીવાલ અને ભગવત માન પણ ગુજરાતના પ્રવાસે છે.

આમ આદમી પાર્ટી દ્વારા વડોદરા મહાનગરપાલિકા ની ચૂંટણી માટે 24 ઉમેદવારોની પ્રથમ યાદી જાહેર કરવામાં આવી છે. યુગ અભિયાન ટાઈમ્સ દ્વારા લેવાયેલ ઇન્ટરવ્યુમાં આમ આદમી પાર્ટીના વડોદરા શહેર પ્રમુખ અશોક ઓઝા એ જણાવ્યું હતું કે આપ પાર્ટી આગામી ચૂંટણી બોર્ડ બનાવશે અને સારા માર્જિન થી તેમના ઉમેદવારો આ ચૂંટણી જીતશે. જાહેર કરાયેલ આ ઉમેદવારો ભાજપ અને કોંગ્રેસના ઉમેદવારો સામે કેટલી લડત આપશે એ તો ચૂંટણીના પરિણામો પછી ખ્યાલ આવી જશે. આવો જાણીયે કોણ છે આ 24 ઉમેદવારો જેના પર પાર્ટી એ વિશ્વાસ મુક્યો છે.

1. હેમલ પંકજભાઈ પાઢ (વોર્ડ નં. - 8)

હેમલ પાઢ છેલ્લા 26 વર્ષથી રાજનીતિમાં છે. 20 વર્ષ સુધી કોંગ્રેસમાં રહ્યા બાદ છેલ્લા 6 વર્ષથી તે આમ આદમી પાર્ટીમાં મહત્વની ભૂમિકા નિભાવી રહ્યા છે. ગુજરાત પ્રદેશ સહ મંત્રી ની સાથે સાથે તે સયાજીગંજ વિધાનસભા ના પ્રભારી તરીકેની જવાબદારી પણ સંભાળી રહ્યા છે. થોડા સમય પહેલા તેમને કરજણ નગર પાલિકા ની ચૂંટણી માં ઇન્ચાર્જ બનાવવામાં આવ્યા હતા અને તેમના નેતૃત્વમાં કરજણ નગરપાલિકાની 8 સીટો પર આપ પાર્ટીના ઉમેદવારોની જીત થયી હતી. અને હવે પાર્ટી એ તેમને વોર્ડ નં 8 માં ઉમેદવાર તરીકે મેદાને ઉતાર્યા છે. હેમલ પાઢ પ્રથમ વખત ચૂંટણી લડશે પણ તેમના પત્ની સંગીતા પાઢ બે વાર કોંગ્રેસમાંથી મહાનગર પાલિકાની ચૂંટણી લડી ચુક્યા છે. વડોદરા શહેરમાં આપ પાર્ટી તરફ થી હેમલ પાઢ ને સૌથી મજબૂત ઉમેદવાર માનવામાં આવી રહ્યા છે.

2. વિનય સુભાષ ચવાણ (વોર્ડ નં. - 18)
વિનય ચવાણ છેલ્લા 5 વર્ષથી રાજનીતિમાં છે. આમ આદમી પાર્ટીમાં જોડાયા બાદ તેમને થોડા જ સમય બાદ ડિસેમ્બર 2022માં માંજલપુર વિધાનસભા સીટ પરથી ચૂંટણી લડવાની તક મળી હતી જેમાં તેમને 11025 મત મળ્યા હતા. વિનય ચવાણ 16 વર્ષ આર્મીમાં સેવા આપી ચુક્યા છે અને હાલ તે આમ આદમી પાર્ટી ના માજી સૈનિક વિંગ ના ગુજરાત પ્રદેશ પ્રમુખ છે તેમજ માંજલપુર વિધાનસભાના પ્રભારી પણ છે. વિનય ચવાણ દ્વારા વિસ્તારના નાગરિકોને પડતી મુશ્કેલીઓને દૂર કરવા ઘણી રજુવાતો તંત્ર પાસે કરી છે.

3. શબનમ ખાલિદમીયા શેખ (વોર્ડ નં. - 7)

શબનમ શેખ છેલ્લા 5 વર્ષથી રાજનીતિમાં છે. હાલ તે આમ આદમી પાર્ટી વડોદરા શહેરના લઘુમતી સેલના પ્રમુખ છે. લઘુમતી સેલના પ્રમુખ તરીકે તેમણે સંઘટનને મજબૂત કરવાનું કામ કર્યું છે તેમજ વિસ્તારના લોકો ને પડતી તકલીફો પણ દૂર કરવાના પ્રયત્નો કર્યા છે.

4. જ્ઞાનદિપક શર્મા (વોર્ડ નં. - 19)
જ્ઞાનદિપક શર્મા છેલ્લા 4 વર્ષથી આમ આદમી પાર્ટી સાથે જોડાયેલા છે. તે પહેલાં તેમણે 3 વર્ષ રાષ્ટ્રીય જનક્રાંતિ પાર્ટીમાં જવાબદારી નિભાવી ચુક્યા છે. 8 વર્ષથી સામાજિક કાર્યોમાં પણ તેઓ અગ્રેસર છે. હાલ તેઓ આમ આદમી પાર્ટી ગુજરાતના ભાષાભાષી સેલમાં મહામંત્રીની સાથે વોર્ડ નં. 19 ના પ્રમુખ તરીકેની જવાબદારી નિભાવી રહ્યા છે. તેઓ વિસ્ત્તારમાં ઘરે ઘરે જઈને તેમજ લોકોની સમસ્યાઓ સાંભળી પ્રશ્નોનું નિરાકરણ લાવવામાં પણ પાછળ નથી.

5. મંજુલા અશોકભાઈ ચાવડા (વોર્ડ નં. - 1)

મંજુલા ચાવડા છેલ્લા 8 વર્ષથી આમ આદમી પાર્ટી સાથે જોડાયેલા છે. વર્ષ 2021માં આમ આદમી પાર્ટી માંથી વોર્ડ નં 1માં વડોદરા મહાનગર પાલિકાની ચૂંટણી લડી ચુક્યા છે. જેમાં તેમને 1900 મત મળ્યા હતા. સામાજિક કાર્યકર તરીકે તેઓ વિધવા મહિલાઓ અને દિવ્યાંગજનો માટે સેવા કરે છે. હાલ તેઓ વોર્ડ નં 1 માં સહ પ્રભારીની જવાબદારી નિભાવી રહ્યા છે.

6. ભરત મહિજીભાઈ રોહિત (વોર્ડ નં. - 18)

ભરત રોહિત છેલ્લા 1 વર્ષ થી આમ આદમી પાર્ટી સાથે જોડાયેલા છે. આ પહેલા તે 6 વર્ષ સુધી બહુજન સમાજ પાર્ટીમાં કાર્યરત હતા અને વર્ષ 2022માં મંજલ વિધાનસભા સીટ પરથી ચૂંટણી ઉમેદવારી કરી ચુક્યા છે. છેલ્લા 10 વર્ષમાં ઘણી વખત તેમણે લારીધારકોના હક માટે આંદોલન કરેલ છે.

7. રજનીકાંત પરમાર (વોર્ડ નં. - 4)
રજનીકાંત પરમાર છેલ્લા 10 વર્ષથી આમ આદમી પાર્ટી સાથે જોડાયેલા છે અને શહેર સંઘઠનમાં વિવિધ જવાબદારીઓ સંભાળી ચુક્યા છે. 10 વર્ષથી અથાગ મહેનત કરતા કાર્યકર પર વિશ્વાસ મૂકીને પાર્ટી તેમને વોર્ડ નં 4માં ઉમેદવાર બનાવ્યા છે.

8. અક્ષયસિંહ જાદવ (વોર્ડ નં. - 19)
અક્ષયસિંહ જાદવ 6 વર્ષથી આમ આદમી પાર્ટી સાથે જોડાયેલા છે. હાલ તે વોર્ડ નં 19 ના પ્રભારી તરીકેની જવાબદારી નિભાવી રહ્યા છે.


9. હિતેશ પરમાર (વોર્ડ નં. - 16)
હિતેશ પરમાર 5 વર્ષથી આમ આદમી પાર્ટી સાથે જોડાયેલા છે. હાલ તે માંજલપુર વિધાનસભાના સહ પ્રભારી તરીકેની જવાબદારી નિભાવી રહ્યા છે.


10. પિંકી ધીરજ લાલ (વોર્ડ નં. - 16)

પિંકી ધીરજ લાલ 6 મહિના પહેલા જ આમ આદમી પાર્ટીમાં જોડાયા છે. પરંતુ લાંબા સમય થી તેઓ રાષ્ટ્રીય બજરંગ દળ સાથે સંકળાયેલા હતા. તેમજ તેમાં પતિ ધીરજ લાલ ઘણા લાંબા સમયથી પાર્ટીમાં સક્રિય કાર્યકર તરીકે કાર્યરત છે.

11. સોનિયા અગ્રવાલ (વોર્ડ નં. - 4)
સોનિયા અગ્રવાલ છેલ્લા 6 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 4ના પ્રભારી તરીકેની જવાબદારી નિભાવી રહ્યા છે.

12. વિશાલ કંણજરીયા (વોર્ડ નં. - 9)

વિશાલ કંણજરીયા છેલ્લા 7 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 9 ના પ્રભારી તરીકેની જવાબદારી નિભાવી રહ્યા છે.

13. સુરેશચંદ્ર પંડ્યા (વોર્ડ નં. - 9)

સુરેશચંદ્ર પંડ્યા છેલ્લા 7 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 9 ના સહ પ્રભારી તરીકેની જવાબદારી નિભાવી રહ્યા છે.

14. ભાવેશ આર્ય (વોર્ડ નં. - 5)
ભાવેશ આર્ય છેલ્લા 7 વર્ષથી આમ આદમી પાર્ટી સાથે જોડાયેલા છે. હાલ તેઓ વડોદરા શહેરના ઉપપ્રમુખ તરીકેની જવાબદારી નિભાવી રહ્યા છે.

15. વર્ષા ગાંગલે (વોર્ડ નં. - 17)

વર્ષા ગાંગલે 1 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 17 ના સહ પ્રભારી તરીકેની જવાબદારી નિભાવી રહ્યા છે.

16. સોની ઓઝા (વોર્ડ નં. - 12)
સોની ઓઝા 3 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 12 ના સહ પ્રભારી તરીકેની જવાબદારી નિભાવી રહ્યા છે.

17. પ્રિતી ચેતન ભૈયા (વોર્ડ નં. - 16)

પ્રિતી ચેતન ભૈયા 5 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 16 ના સહ પ્રભારી તરીકેની જવાબદારી નિભાવી રહ્યા છે.

18. હરિશસિંહ ચૌહાણ (વોર્ડ નં. - 12)
હરિશસિંહ ચૌહાણ 5 વર્ષથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 12 ના પ્રભારી તરીકેની જવાબદારી નિભાવી રહ્યા છે.

19. અનુપ બંસીધર ચતુર્વેદી (વોર્ડ નં. - 6)
અનુપ બંસીધર ચતુર્વેદી 8 મહિનાથી આમ આદમી પાર્ટી સાથે જોડાયેલા છે. હાલ તેઓ વોર્ડ નં 6 ના પ્રભારી તરીકેની જવાબદારી નિભાવી રહ્યા છે.

20. પદ્માબેન રાઠોડ (વોર્ડ નં. - 5)

પદ્માબેન રાઠોડ 8 મહિનાથી આમ આદમી પાર્ટી સાથે જોડાયેલા છે.

21. કૈલાશબેન બારોટ (વોર્ડ નં. - 5)

કૈલાશબેન બારોટ 1 વર્ષથી આમ આદમી પાર્ટી સાથે જોડાયેલા છે.

22. જીગ્નેશકુમાર મોચી (વોર્ડ નં. - 5)
જીગ્નેશકુમાર મોચી 5 વર્ષથી આમ આદમી પાર્ટી સાથે જોડાયેલા છે. હાલ તેઓ શહેરવાડી વિધાનસભામાં ઝોન પ્રભારી તરીકેની જવાબદારી નિભાવી રહ્યા છે.

23. સંગ્રામસિંહ કડુ (વોર્ડ નં. - 13)
સંગ્રામસિંહ કડુ 6 મહિનાથી આમ આદમી પાર્ટી સાથે જોડાયેલા છે. અકોટા વિધાનસભામાં સહ પ્રભારી તરીકેની જવાબદારી નિભાવી રહ્યા છે. પ્રજાશક્તિ ડેમોક્રેટિક પાર્ટીમાં કામ કરી ચુક્યા છે.

24. ગીતાબેન ચૌધરી (વોર્ડ નં. - 13)

ગીતાબેન ચૌધરી 3 મહિનાથી આમ આદમી પાર્ટી સાથે જોડાયેલા છે. આ પહેલા તે કોંગ્રેસમાં હતા અને તેમણે ભાજપમાં પણ કાર્યકર તરીકે કામ કર્યું છે.