વડોદરા શહેરના ગોત્રી વિસ્તારમા કાર્યરત સેવાભાવી યુવકોના જય માતાજી ગ્રુપ દ્વારા અનોખી રીતે સ્વતંત્રતા દિવસની ઉજવણી કરાઈ હતી. આ ગ્રુપ દ્વારા તેમની ફોરવીલર કારને ભારતના તિરંગા ના રંગ પ્રમાણે ફૂલોથી શણગારવામાં આવી હતી. આ સમગ્ર આયોજન અબ્દુલ ઘાંચીના માર્ગદર્શન હેઠળ જય માતાજી ગ્રુપ દ્વારા કરવામાં આવ્યું છે. આ અગાઉ અબ્દુલ ઘાંચી દ્વારા આ રીતે તેમની રીક્ષા શણગારવામાં આવતી હતી.

આ કરીને શણગારવા 100 કિલો થી વધુ ફૂલોનો ઉપયોગ કરાયો છે. જેનો ખર્ચ અબ્દુલ ઘાંચી એ ઉપાડ્યો છે. લગભગ સાત કલાકની મેહનત બાદ આ ગાડીનો શણગાર પૂર્ણ થયો હતો. સંપૂર્ણ ગાડી તિરંગા રૂપે ફૂલો થી સજ્જ ને ગાડીની ઉપર રાષ્ટ્રીય પક્ષી મોર સાથે લહેરાતા ત્રિરંગા સાથે આજે સ્વતંત્રતા દિને આ ગાડી વડોદરાના રાજમાર્ગો પર નીકળી હતી ત્યારે ભારે આકર્ષણ જમાવ્યું હતું. પહેલા રીક્ષા નું શણગાર કરતા હતા આ વર્ષે ગાડી પર ફૂલો થી લખાયેલ ભારત માઁ , I love India દેશવાસીઓને એક સંદેશ આપતું હોય તેવો દેશભક્તિ નો માહોલ સર્જાયો હતો.