ભારત અને ઇંગ્લેન્ડ વચ્ચે રમાઈ રહેલ તેંડુલકર-એન્ડરસન ટેસ્ટ શ્રેણીની ત્રીજી મેચ ના છેલ્લા દિવસે ભારતીય ટીમનો ધબડકો થયો છે. ફક્ત 193 રનનો લક્ષ્યાંક ચેઝ કરવા મેદાને ઉતરેલ ભારતીય ટીમે 82 રન પર જ 7 વિકેટ ગુમાવી છે. હાલ ઓલરાઉન્ડર રવિન્દ્ર જાડેજા અને નીતીશકુમાર રેડી ક્રિસ પર સંઘર્ષ કરી રહ્યા છે. અને ભારતીય ટીમનો સ્કોર 100 રન સુધી પહોંચાડ્યો છે. 

ભારતીય ટીમને જીતવા માટે 193 રન કરવાના છે અને ઇંગ્લેન્ડને હવે ફક્ત 3 વિકેટની જરૂર છે. ત્રીજી મેચનો આજે છેલ્લો દિવસ છે. ભારતીય ટીમે ગતરોજ ની રમત પૂર્ણ થાય ત્યાં સુધી 58 રન બનાવીને ચાર વિકેટ ગુમાવી હતી. પાંચમા દિવસની શરૂઆતમાં જ એક પછી એક ત્રણ વિકેટ ગુમાવતા હાલ ભારતની ટીમ ત્રીજી ટેસ્ટ હારવાની પરિસ્થિતિમાં છે તેવું કહી શકાય કારણ કે હજી પણ 75 ઓવરથી વધુ ની રમત રમાવાની બાકી છે. 

193 રન નો લક્ષ્યાંક નો પીછો કરતી સમયે ભારતીય ટીમ તરફથી સૌથી વધુ કે એલ રાહુલે 39 રન બનાવ્યા છે. ત્યાં જ ઇંગ્લેન્ડની ટીમ તરફથી અત્યાર સુધી જોફરા આર્ચરે સૌથી વધુ 3 વિકેટ ઝડપી છે.‌