ઇંગ્લેન્ડના બર્મિંગહામમાં ભારતનો પ્રથમ વખત વિજય થયો. 

કેપ્ટન શુભમન ગિલે 430 રન બનાવ્યા.

આકાશદીપે 10 વિકેટ - સિરાજે 7 વિકેટ ઝડપી.

ઇંગ્લેન્ડમાં રમાઈ રહેલ પાંચ મેચોની ટેસ્ટ સિરીઝની બીજી મેચમાં ભારતે ઇંગ્લેન્ડ ની ટીમને 336 રને હરાવ્યુ છે. આ સાથે જ ટેસ્ટ સિરીઝ 1-1 થી બરાબર થઈ ગઈ છે. 

608 રનનો પહાડ જેટલો લક્ષ્યાંક ચેઝ કરતા ઇંગ્લેન્ડની ટીમ મેચના છેલ્લા દિવસે 271 રન પર ઓલઆઉટ થઈ ગઈ હતી. ભારતે 58 વર્ષમાં બર્મિંગહામમાં પોતાનો પહેલો વિજય મેળવ્યો છે. અગાઉ, અહીં રમાયેલી 8 ટેસ્ટ મેચોમાં ભારત સાત મેચમાં હાર્યું હતું અને 1 મેચ ડ્રો રહી હતી.

ભારતે ટોસ હારતા પહેલી બેટિંગ કરતા પ્રથમ ઈનિંગમાં 587 રન બનાવ્યા હતા. જેમાં કેપ્ટન શુભમન ગીલે 269 રનની ઈનિંગ રમી હતી. જવાબમાં, ઇંગ્લેન્ડ ની ટીમ 407 રનમાં ઓલઆઉટ થઈ ગઈ હતી. જેમાં મોહમ્મદ સિરાજે 6 વિકેટ ઝડપી હતી. આ સાથે જ ભારતને 180 લીડ મળી હતી. ત્રીજી ઇનિંગમાં ભારતે ફરી એકવાર શુભમન ગીલની સદીની મદદથી 427 રન બનાવી પોતાની લીંક ડિકલેર કરી હતી. અને ઇંગ્લેન્ડને 608 રનનો પહાડ જેટલો લક્ષ્યાંક ખડકી દીધો હતો.

ચોથી ઈનિંગમાં ઇંગ્લેન્ડની ટીમ ફક્ત 271 રન બનાવી પેવેલીયન ભેગી થઈ ગઈ હતી. જેમાં આકાશદીપે સૌથી વધુ 6 વિકેટ ઝડપી હતી અને આ સાથે જ ભારતે ઇંગ્લેન્ડના બર્મિંગહામમાં પોતાની ઐતિહાસિક જીત નોંધાવી છે.