આણંદમા ટાઉનહોલ પાસે બેફામ રીતે ડમ્પર હંકારી ડમ્પરચાલકે એક સાયકલ સવાર વિદ્યાર્થીને અડફેટે ગમખ્વાર અકસ્માત સર્જ્યો હતો. અકસ્માતને લઇ એકત્રિત થયેલા લોકટોળાએ ડમ્પર ચાલકને મેથીપાક ચખાડ્યો હતો. અને બાદમા પોલીસને હવાલે કર્યો હતો.

વિદ્યાર્થીને ગંભીર ઇજાગ્રસ્ત હાલતમા હોસ્પિટલમાં ખસેડાયો
આણંદમાં બેફામ ટેન્કર ચાલકે અકસ્માત સર્જ્યાની વધુ એક ઘટના સામે આવી છે. આણંદમાં ટાઉનહોલ પાસે સાયકલ સવાર વિધાર્થીને ડમ્પરે અડફેટે લીધો હતો. શાળાએથી ઘરે જતા 11 વર્ષીય વિદ્યાર્થીને ડમ્પરે ટક્કર મારી હતી. આ અકસ્માતમાં વિદ્યાર્થી ગંભીર રીતે ઇજાગ્રસ્ત થતાં હોસ્પિટલમાં ખસેડાવામાં આવ્યો હતો. અક્સ્માતની ઘટનાને લઈને લોકોના ટોળા ઘટના સ્થળે ઉમટી પડ્યા હતા અને ડમ્પર ચાલકને મેથી પાક ચખાડ્યો હતો. ઘટનાની જાણ થતાં પોલીસ ઘટના સ્થળે પહોંચી ડમ્પર ચાલકને લોકોના ચંગુલમાંથી છોડાવ્યો હતો. પોલીસે ડમ્પર ચાલકની અટકાયત કરીને કાયદેસરની કાર્યવાહી કાર્યવાહી હાથ ધરી છે.