ભરૂચ જિલ્લામાં સ્પેશિયલ ઓપરેશન ગ્રુપ (SOG)એ ઇ-સિગારેટના ગેરકાયદેસર વેચાણ સામે કડક કાર્યવાહી હાથ ધરી છે. શહેરના સીટી સેન્ટર તથા નબીપુર નજીકના સીતપોણ ગામે દરોડા પાડી કુલ ₹1.33 લાખના મુદ્દામાલ સાથે બે ઇસમોની ધરપકડ કરવામાં આવી છે.

પ્રથમ કાર્યવાહી ભરૂચ શહેરના સીટી સેન્ટરમાં કરવામાં આવી હતી. "ક્રેજી બાઇટ" નામની દુકાનમાં રૈયાન પટેલ દ્વારા વિદેશી ઈ-સિગારેટ ગેરકાયદેસર રીતે વેચાતા હોવાની બાતમીના આધારે દરોડો પાડવામાં આવ્યો હતો. તપાસ દરમિયાન 10 નંગ ઇ-સિગારેટ, કુલ કિંમત ₹35,000 નો જથ્થો મળી આવ્યો. આરોપીની ધરપકડ કરીને કાયદેસરની કાર્યવાહી હાથ ધરવામાં આવી છે. સીતપોણ ગામે રહેણાંક મકાનમાંથી 47 ઇ-સિગારેટ તથા રિફિલ પકડાઈ.

બીજી કાર્યવાહી સીતપોણ ગામ (ટંકારીયા રોડ) ખાતે ઈમરાન આદમ પટેલના મકાનમાં કરવામાં આવી. ત્યાંથી અલગ અલગ વિદેશી બ્રાન્ડની 47 ઇ-સિગારેટ, ફ્લેવર રિફિલ્સ અને મોબાઈલ ફોન મળી કુલ ₹98,000 નો મુદ્દામાલ કબ્જે કરાયો. આરોપીની ધરપકડ કરવામાં આવી છે અને આગળની તપાસ ચાલુ છે.

કુલ મળેલ મુદ્દામાલ કુલ ઇ-સિગારેટ: 57 નંગથી વધુ કુલ કિંમત: ₹1,33,000 ધરપકડશુદા આરોપીઓ: 2 સરકારના પ્રતિબંધ છતાં કાયદા તોડવાનો પ્રયાસ ભારત સરકારે વર્ષ 2019થી ઇ-સિગારેટના વેચાણ, ઉત્પાદનમાં કડક પ્રતિબંધ લગાવ્યો છે. તેમ છતાં નફાખોરી માટે કેટલાક તત્વો આ પ્રવૃત્તિ ચાલુ રાખી યુવાધનના આરોગ્ય સાથે ચેડાં કરી રહ્યા છે. SOG દ્વારા આગામી દિવસોમાં વધુ કાર્યવાહી સંભવ SOGના અધિકારીઓએ જણાવ્યું કે આવા ગેરકાયદેસર વેપારીઓ સામે કાર્યવાહી સતત ચાલુ રહેશે.