ગતરોજ અમિત નગર સર્કલ પાસે કાર ચાલક અને રીક્ષા ચાલક વચ્ચે નજીવી બાબતે બોલાચાલી થઇ હતી. દરમ્યાન કેટલાક લોકો એક રીક્ષા ચાલાકને જાહેરમાં માર મારવા લાગ્યા હતા. દરમ્યાન રીક્ષા ચાલકને માર મારતા દ્રશ્યોનો વિડિઓ સોશ્યિલ મીડિયા પર ખુબ વાયરલ થયો હતો.

જે બાબત ધ્યાને આવતા હરણી પોલીસ મથકની ટીમ એકશનમાં આવી હતી. અને ગણતરીના કલાકોમાં ત્રણ લોકોની અટકાયત કરી છે. હરણી પોલીસ મથકના પી.આઈ શંકર વસાવા અને તેમની ટીમે આ પ્રસંશનીય કામગીરી કરી ત્રણેય ઈસમોની ધનિષ્ઠ તપાસ શરૂ કરી છે.આ ત્રણે ઈસમ અગાઉ પણ કોઈ ગુન્હામાં સંડોવાયેલા છે કે કેમ.? તે દિશામાં પણ હરણી પોલીસે તપાસ હાથ ધરી છે. ત્રણે આરોપીની ઓળખ થયા બાદ હરણી પોલીસ ત્રણે વિરુદ્ધ ફરિયાદ દાખલ કરી કાયદેસરની કાર્યવાહી કરશે.