વડોદરા શહેરના ગોત્રી વિસ્તારમા ગોત્રી પ્રિયા ટોકીજ ચાર રસ્તા પાસે આવેલ *ધ એરો ફલેટમા ગત તા. ૩/૮/૨૦૨૫ ના રોજ પાર્કિંગ બાબતે નજીવી બે લોકો વચ્ચે તકરાર થાય છે. નજીવી તકરાર જોત જોતામાં ઉગ્ર સ્વરૂપ ધારણ કરે છે અને ફ્લેટમાં ભાડે રહેતા સુશીલસિંહ નામનો યુવક સામે અક્ષય કુરપાને નામના યુવક પર ચાકુથી હુમલો કરી અક્ષયને મોતને ઘાટ ઉતારી દે છે. પાર્કિંગ જેવી નજીવી બાબતે આશાસ્પદ યુવકને જીવ ગુમાવવાનો વારો આવ્યો હતો. જેને લઈને સમગ્ર શહેરમા આરોપી પ્રત્યે રોષ વ્યાપ્યો છે.

જે બાદ મૃતકના પરિવારજનો એ આજ રોજ વડોદરા કલેકટર કચેરી પહોંચી વડોદરા જીલ્લા કલેકટર મારફતે રાજ્યના મુખ્યમંત્રી અને ગૃહ મંત્રીને રજુઆત કરતા એક આવેદન પત્ર આપ્યું હતું. તેઓએ આ ગુન્હાની તટસ્થ તપાસ થાય અને આ કામના તહોમતદાર ને કડકમાં કડક સજા થાય તેવી માંગ કરી હતી. આ આવેદન આપવા મૃતકના પરિવાર સાથે અખિલ મહારાષ્ટ્ર યુવક સંઘટનના પ્રમુખ વિજય જાધવ સહીત મહારાષ્ટ્રીયન સમાજ ના લોકો પણ જોડાયા હતા. અને કલેક્ટર કચેરીના પ્રાંગણ માં સૂત્રોચ્ચાર કરી રોષ વ્ય્ક્ત કર્યો હતો.