આ કારણોસર પોલીસને મળી સફળતા
મળતી માહિતી અનુસાર પોલીસ દ્વારા વર્ષ 2024ના પ્રથમ 6 મહિના માં મિલકત સંબંધી ગુનાઓમાં PASA ના કાયદા હેઠળ 40 ગુનેગારો વિરુદ્ધ કાર્યવાહી કરી હતી જયારે ચાલુ વર્ષે જૂન મહિના સુધી 69 ગુનેગારો વિરુદ્ધ કાર્યવાહી છે. તેમજ પોલીસ દ્વારા ચાલુ વર્ષે ગુજસીટોક ના કાયદા હેઠળ સીકલીગર ગેંગના 17 ઈસમો વિરુદ્ધ કાર્યવાહી કરી હોવાથી પણ મિલકત સંબંધી ગુનાઓમાં થયો ધરખમ ઘટાડો જોવા મળ્યો છે.  વધુમાં પોલીસ કમિશ્નર નરસિમ્હા કોમારના માર્ગદર્શન હેઠળ ગૃહ મંત્રાલય દ્વારા શરુ કરાયેલ મેન્ટર પ્રોજેક્ટને કારણે પણ પોલીસને સફળતા મળી હોવાનું જાણવા મળ્યું છે.

શરીર સંબંધી ગુનાઓમાં થયો ધરખમ ઘટાડો

વર્ષ 2024 ના પ્રથમ 6 મહિના ઓના ગુનાઓની જો વર્ષ 2025 ના પ્રથમ 6 મહિના ઓની વિગત સાથે સરખામણી કરીએ તો મિલકત સંબંધી ગુનાઓમાં ધરખમ ઘટાડો જોવા મળી રહ્યો છે.

શરીર સંબંધી ગુનાઓમાં થયો ભારે ઘટાડો

મળતી માહિતી અનુસાર પોલીસ દ્વારા વર્ષ 2024ના પ્રથમ 6 મહિના માં શરીર સંબંધી ગુનાઓમાં PASA ના કાયદા હેઠળ 25 ગુનેગારો વિરુદ્ધ કાર્યવાહી કરી હતી જયારે ચાલુ વર્ષે જૂન મહિના સુધી 33 ગુનેગારો વિરુદ્ધ કાર્યવાહી છે. તેમજ પોલીસ દ્વારા ચાલુ વર્ષે ગુજસીટોક ના કાયદા હેઠળ કાસમઆલા ગેંગ, ચૂયી ગેંગ અને સિંધી ગેંગના વિરુદ્ધ કાર્યવાહી કરી હોવાથી પણ શરીર સંબંધી ગુનાઓમાં થયો ભારે ઘટાડો જોવા મળ્યો છે. તેમજ ભારતીય નાગરિક સુરક્ષા સંહિતાની કલમો 126, 127, 128 અને 129 હેઠળ અટકાયતી પગલાં લેવાયા હોવાથી પણ ગુનેગારોમાં ફફડાટ જોવા મળી રહ્યો છે.

આ ઉપરાંત વડોદરા શહેરમાં થતા સાયબર ક્રાઇમ વિભાગ દ્વારા પણ નોંધપાત્ર કામગીરી કરાઈ છે. જે અંતર્ગત વર્ષ 2025 માં અત્યાર સુધી રૂ. 19.16 કરોડ જેટલી માતબર રકમ ભોગ બનનાર ને પરત અપાયી છે તેમજ 66 સાયબર ઠગોને જેલ હવાલે કરાયા છે.