‘હર ઘર તિરંગા, હર ઘર સ્વચ્છતા’ અંતર્ગત વડોદરા જિલ્લામાં અનેક સ્થળોએ આઝાદી કા શ્રમદાન કાર્યક્રમ યોજાયો હતો. આ કાર્યક્રમ હેઠળ વિવિધ ગ્રામ્ય કક્ષાએ ગામ લોકો દ્વારા સામુદાયિક સફાઈનું આયોજન કરવામાં આવ્યું હતું.

આ અભિયાન અંતર્ગત ગામની ગલીઓ, જાહેર સ્થળો, સરકારી ઇમારતો આસપાસ તેમજ શાળાઓના પરિસરમાં સ્વચ્છતાલક્ષી કામગીરી હાથ ધરવામાં આવી હતી. સાથે જ પ્લાસ્ટિક કચરા સંગ્રહનું આયોજન કરવામાં આવ્યું હતું. આ સ્વચ્છતાની કામગીરીમાં ગ્રામ પંચાયતના લોકો ઉપરાંત સ્વચ્છતા મિત્રો અને ગ્રામજનો ઉત્સાહપૂર્વક સહભાગી થયા હતા.

આ કાર્યક્રમ દ્વારા સ્વતંત્રતા પર્વની ઉજવણીની સાથે સાથે સ્વચ્છતા પ્રત્યે જાગૃતિ ફેલાવવાનો અને સામૂહિક સહયોગથી ગામોને સ્વચ્છ રાખવાનો સંદેશ પણ આપવામાં આવ્યો હતો.