શહેરમાં જુદી જુદી ગેંગ બનાવી મારામારી કરી લોકોમાં ભયનો માહોલ ઉભો કરનાર તત્વો સામે વડોદરા પોલીસે લાલ આંખ દાખવી છે. તાજેતરમાં ચુઇ ગેંગના સાત સાગરીતો સામે પોલીસે ગુજસીટોક હેઠળ ગુનો નોંધી પાંચના રિમાન્ડ મેળવ્યા છે. છતાંય સુધરવાને બદલે હવે ગોરવા વિસ્તારમાં પોતાની ધાક ઉભી કરવા માંગતા તત્વોને પોલીસે પાઠ ભણાવતા ડોન બનવા નિકળેલા ચારેયએ કાન પકડવાનો વારો આવ્યો હતો.

શહેરના છાણી જકાતનાકા સ્થિત મધુ રેસીડેન્સીમાં રહેતો મુળ જામનગરનો શક્તિસિંહ ઘનરાજસિંહ રાણા તેના મિત્ર જતીન જેઠાભાઇ ધાગીયા (રહે. જલા હાઉસ, વાસણા ભાયલી રોડ, મુળ રાજકોટ), મનિષ શંકરલાલ યાદવ (રહે. આમજેરા, ડુંગરપુર, રાજસ્થાન) અને હેમેશ રમેશભાઇ હોદાર (રહે. જલા હાઉસ, વાસણા ભાયલી રોડ, મુળ પોરબંદર) સાથે મહેફીલ માણી નેશનલ હાઇવે પર આવેલા બાપુ ચિકન ખાતે જમવા માટે પહોંચ્યાં હતા.