ફરી એકવાર હિટ એન્ડ રનની ઘટનાથી ગાંધીનગર હચમચી ઉઠ્યું છે. ગાંધીનગરના રાંદેસણ પાસે એક કાર ચાલકે ગફલતભરી રીતે કાર હંકારી ચાર થી પાંચ વાહનોને અડફેટે લીધા હતા. બનવાના પગલે લોકટોળા ઉમટયા હતા અને કાર ચાલકને મેથીપાક ચખાડ્યો હતો. ઘટનાની જાણ થતાની સાથે જ ઉચ્ચ અધિકારો સહિતનો પોલીસનો કાફલો ઘટના સ્થળે દોડી આવ્યો છે. આ ઘટનામાં કુલ 3 લોકોએ જીવ ગુમાવ્યા હોવાનું માહિતી મળી રહી છે. ઉશ્કેરાયેલા લોકટોળાએ કારની પણ તોડફોડ કરી છે.

ગાંધીનગર અકસ્માતમાં કુલ 3 લોકોએ જીવ ગુમાવ્યા...

ગાંધીનગરના રાંદેસણમાં હિટ એન્ડ રનની ઘટના બની છે, જેમાં રાંદેસણના સિટી પલ્સ સિનેમાં પાસે એક કાર ચાલકે ચારથી પાંચ વાહનોને અડફેટે લેતા ઘટના સ્થળે જ એકનું મોત થયું છે, જયારે કે ઈજાગ્રસ્તોને તાત્કાલિક સારવાર હેઠળ ખસેડવામાં આવ્યા છે, કાર ચાલક દારૂના નશામાં હોવાનો સ્થાનિકો આક્ષેપ કરી રહ્યા છે, તો પોલીસે કાર ચાલકની ઘટના સ્થળેથી અટકાયત કરી લીધી છે, મૃત્યુ આંક હજી પણ વધે તેવી શકયતા છે. હિતેશ પટેલ નામના વ્યકિતની કાર છે અને તેનો નંબર GJ 18 EE 7887 છે.